「燒賣」一直都是香港地道小食嘅其中一個代表，最近紅磡寶石戲院附近，新開咗一間營業至凌晨三點嘅外賣小食店「Hidden Table 」。主打創意燒賣又配合到夜經濟，引起燒賣Fans嘅熱烈回響！店主更計劃於下星期（10月9日）開始舉行燒賣放題活動，燒賣關注組萬勿錯過！詳情於內文尾段。
▲店舖裝修以橙色設計，遠遠已經望到好醒神！
主打多達10款口味的創意燒賣！推薦：日式大阪魚肉燒賣
▲店主大力推薦：日式大阪魚肉燒賣！新鮮即炸嘅魚肉燒賣配上日式燒汁和蛋白醬，炸到外脆內嫩嘅燒賣同醬汁相得益彰。面頭再加上紫菜同木魚片做點綴，希望呈現出章魚燒嘅豐富口感同特別風味！除咗日式大阪魚肉燒賣，創意燒賣仲有四川麻辣、奶油麻辣、泰式莞茜，秘製豬肉～另外可以選擇蒸燒賣或炸燒賣，蒸炸合共十款創新口味！！
▲另外桌上放有自助配料架，載有葱花、莞茜及自家炒辣油，任加唔嬲，自己鍾意點樣食自己話事，燒賣控定必會愛上此店！
燒賣之外一讓創新！推薦：關西風天婦羅蟹柳
▲除咗燒賣，當然仲有其他特色創意小食，例如：秘製腸粉、秘製珍珠雞、經典炸饅頭、Cajan 巨型蟹柳等等 ！
Hidden Table 燒賣放題
價錢：68蚊任食
時限：45分鐘
參加辦法：須提前在Hidden table Instagram 報名！
Hidden Table 詳細資料
營業時間：下午12時30分至凌晨3時
地址： 紅磡必嘉街97號 (地圖按此)
電話：5590 8508