網紅陳怡涉嫌「串謀詐騙」被警方扣留調查，於20日獲准保釋後以「老娘回來了！！今晚出片同大家講吓被羈留的一天。」為題拍片，講述自己喺拘留所嘅經歷。當時她言之鑿鑿大讚警方專業，集中火力攻擊證監會，稱「正貪會」只是「死雞撐飯蓋」。
稱拘留囚室環境開揚，唔會發生風化案
去到俗稱「臭格」嘅羈留室，陳怡覺得比想像中好，因為有冷氣有床，但「臭格」長期有大光燈照住。她又指自己大部份時間都在瞓覺。
▲ 陳怡指：「無人會搵水淋你，打X你」，亦不會如2019年時有傳新屋嶺扣留中心強姦事件，「咩強姦，原來無囉，就係咁簡單，無囉。」即使陳怡言論誇張，但大部分網民仍集中討論其容貌和上鏡時的差異。
隔日即稱警察學歷低： 「佢哋都冇接觸過呢個世界。」
可是陳怡昨晚突然上傳影片，指有警察和她說是次執法不存在官商勾結，陳怡在片段中反駁：「你諗下佢哋點樣考入去，讀完個毅進中學畢業就入，點可以對警察要求太高。」 陳怡又稱：「佢哋都冇接觸過呢個世界。」、「如果佢知道好多嘢就唔會係一個警員啦！」