冰封三尺非一日之寒，林作得罪網民唔係一朝一夕嘅事；滴水穿石非一日之功，佢嘗試經營加密貨幣王國，好明顯亦唔係短短數月就可以建成。林作近日因為加密貨幣JPEX一案而被拘捕，網上有唔少苦主都愁雲慘霧，但亦有唔少網民抱住「開香檳、食生花」嘅心態觀望林作被捕一事。小編整理咗過往林作5單窮兇極惡嘅抽水事件，同大家一齊剖析林作「黑紅都是紅」嘅個人風格及網絡恩怨！
1. 攞景贈興｜父親節出100萬要求陳凱琳細佬驗DNA
雖然林作以抽死人水出名，唔好以為林作只係得罪死人，生人一樣唔放在眼內。2022年陳凱琳細佬Derek於父親節張貼出同爸爸天倫之樂嘅合照。沒想到惹來林作抽水嘅轉發，搞到陳家要親自聯絡（林作聲稱）平息事件；而陳凱琳老公鄭嘉穎亦開腔指： 「本人覺得佢嘅目的係點，大家都應該好清楚，唔回應就係最好嘅回應，再問我一百次都係咁答，如果唔係答完又繼續，何必呢？」
2. 抽水《黑豹》 Chadwick Boseman
2020年，在林作從事保險業後，見電影《黑豹》男主角Chadwick Boseman因結腸癌併發症逝世，竟然叫大家記住買保險，當然畀網民鬧爆，即犯眾怒！
3.食髓知味｜接連抽水Kobe Bryant空難
林作似乎嫌「宣傳效果」唔夠，再拎今年年頭因為直昇機意外去世嘅籃球明星高比拜仁（Kobe Bryant）嚟宣傳，仲話自己「永遠夠薑」：「右邊嗰位，43歲就意外過身。意外無從預測。一定要早啲買人壽、意外保險。記得搵 #林作保險」唔少人都對佢非常反感，留言：「其實你消費完一次仲未知有咩問題，你不如驗下腦啦。」
4. 鑽石山斬人事件｜ 一人之力破壞公司多年建立的形象
今年鑽石山荷里活廣場發生嚇人謀殺案， 2名女子無辜被39歲的白子男子襲擊。正當全城的市民都為受害者悲痛時，林作居然在網上抽水，引起不少公憤，甚至令網民發起去保監會投訴，事後林作刪走帖文，但仍口硬指自己拒絕道歉。
林作拒絕道歉，並開「辯論大會」聲稱自己只是和「連登仔」理論。無論該辯論是和公司講還是和連登仔講，結果，今次公司再無縱容林作，兩日後於社交網站率先發聲明，正式宣布解僱林作。
5. 最惡毒！詛咒SoChing退團後下場「好似你男友咁」
細數林作多次的出位言論，最殘忍冷血的，小編認為是林作在Mirror演唱會後三番四次對Soching（蘇芷晴）進行騷擾！今年年初在So Ching決意退團、阿mo仍在康復期間，指：「可以以後做Collar的伴舞Dancer吧，好似你男友咁。」言外之音，猶如詛咒So Ching。
