一年一度嘅萬聖節剛過去，唔知大家又玩得盡唔盡興呢？每次萬聖節前要考慮扮乜角色就實在令人煩惱，究竟係扮時下最興嘅「芭比」定係其他角色好？不過，喺日本嘅地味萬聖節就無呢個煩惱，因為你只可扮「身邊的普通人」，只要扮得夠日常又貼地就可脫穎而出！
其實「地味」究竟點解呢？地味為日文詞語，有低調、樸素之意。由日本網媒舉辦嘅地味萬聖節自2014年起持續至今，參賽者可於線上、下參與，只要服裝符合「循環再用」的規定便可。若想於線上參與，只需在X（Twitter）發文前加入 #地味ハロウィン 的標籤。
而今年的地味萬聖節就喺上個星期日（29日）於東京舉辦。為了貼合「地味」呢個主題，唔少參賽者都「盛裝出席」，例如DVD機待機畫面、喺香港常見嘅KUMON logo及Type-c充電線等：
睇完日本網民嘅裝扮，實在令小編甘拜下風！如果大家想再睇多啲參賽者嘅打扮，就記得上X（Twitter）輸入 #地味ハロウィン 睇睇喇！