最近深水埗開咗一間由米芝蓮餐廳總廚羅國華大廚主理嘅粵菜館「大撈家」，主打鮮味十足嘅鮑參翅肚，但價錢卻十分平民化，最平一個Lunch Set $70有找！雖然很平價路線，但餐廳嘅菜色同裝潢都毫不馬虎！粵菜鮮味，口感細膩，再加上店鋪傳統的木色餐桌，配以黑色和金色的裝潢和餐具，讓餐廳在深水埗中明顯的別樹一格！新開業仲推出咗優惠菜單，即刻睇吓有咩啱食！
11月開業優惠 鮑參翅肚一律減價！
▲ 11月限時優惠～除咗「鮑魚襟撈」（花菇拼鮑魚撈飯）減價外，當中「紅燒鮑翅撈」更由$168勁減至$98！
粵菜輕盈，以味鮮肉嫩為主軸！
▲ 「紅燒鮑翅撈」十分足料，魚翅更是條條分明，配合鮑魚熬製的湯底，鮮味十足，不會有油膩的感覺！「紅燒鮑翅撈」連小火盆上菜，外觀貴氣好啱打卡，而且仲有保溫功能！
▲ 「招牌咕嚕肉」是老闆極力推薦的菜色，因為咕嚕肉製法非常考功夫；而大撈家的招牌咕嚕肉則做到外脆內軟，咕嚕肉的粉衣酥脆之餘亦不會太厚身，讓濃稠的咕嚕汁掛在肉塊上，非常惹味！
▲ 鮑魚是四大海味：鮑、參、翅、肚之首。大撈家的招牌「鮑魚襟撈」，鮑魚接近一湯匙大，煮得腍身又鮮味，加上店舖特製的鮑魚汁，用嚟撈飯一流！
大撈家
地址：深水埗福榮街101號地鋪
前往方法：深水埗地鐵站B2出口步行3分鐘
營業時間：11a.m. -11p.m.
聯絡電話：28278578